चलिरहेको विश्वकप २०२६ अन्तर्गत फ्रान्स उत्कृष्ट प्रदर्शन गर्दै सेमिफाइनलमा प्रवेश गरेको छ। क्वार्टरफाइनल खेलमा मोरक्कोलाई पराजित गर्दै साविक विजेता समेत रहिसकेको फ्रान्सले आफ्नो बलियो उपस्थिति प्रमाणित गरेको हो। यो जितसँगै फ्रान्स यस पटकको प्रतियोगिता जित्ने सबैभन्दा बलियो दाबेदारको रूपमा अगाडि आएको छ।
खेल निकै प्रतिस्पर्धात्मक र रोमाञ्चक रहेको थियो। फ्रान्सका स्टार खेलाडी किलियन एमबाप्पेले खेलका दौरान पेनाल्टी प्रहार गर्दा ‘स्टटर’ (दौडिँदै गर्दा बीचमा रोकिने शैली) अपनाएका थिए, जसमा उनी चुकेका थिए। एमबाप्पेको उक्त पेनाल्टी मिसको चर्चा भए पनि समग्र खेलमा फ्रान्सले आफ्नो पकड जमाउँदै जित निकाल्न सफल भयो।
फुटबल विशेषज्ञहरूका अनुसार सन् १९९८ र २०१८ को विश्वकप विजेता फ्रान्सले यस पटक पुनः एकपटक असाधारण र विशेष टोली तयार पारेको छ। मोरक्कोविरुद्धको सानदार जितपछि खेल विश्लेषकहरूले यो टोलीलाई ‘इतिहासकै सबैभन्दा उत्कृष्ट फ्रान्सेली टोली’ हुन सक्ने अनुमान समेत गर्न थालेका छन्। अब फ्रान्सको नजर सेमिफाइनल जित्दै फाइनलको यात्रा तय गर्नेतर्फ केन्द्रित भएको छ।
