प्रतिनिधिसभाको बैठक आजको कार्यसूची (एजेन्डा) मा प्रवेश नै नगरी स्थगित भएको छ। विपक्षी दलका सांसदहरूले संसद्मा लगातार अवरोध र नाराबाजी गरेपछि सभामुख डीपी अर्यालले बैठक भोलि बिहान ११ बजेसम्मका लागि स्थगित भएको सूचना सुनाउनुभएको हो। प्रधानमन्त्री बालेन शाहले ‘नेपालले भारतीय सीमा मिचेको’ भनी दिएको अभिव्यक्तिका कारण विपक्षी दलहरू आक्रोशित भएका हुन्। प्रधानमन्त्रीको उक्त गैरजिम्मेवारपूर्ण अभिव्यक्तिलाई लिएर विपक्षी दलहरूले सदनमा कडा आपत्ति जनाउँदै आएका छन्।
विपक्षी दलका सांसदहरूले सीमा मिचिएको संवेदनशील विषयमा प्रधानमन्त्रीको तर्फबाट सभामुखले संसद्समक्ष आत्मालोचना गर्नुपर्ने र माफी माग्नुपर्ने माग राखेका छन्। माग पूरा नभएसम्म सदन चल्न नदिने अडानका कारण आजको बैठकमा कुनै पनि औपचारिक कामकारबाही अघि बढ्न सकेन।
