ब्राजिलको राष्ट्रपतीय निर्वाचनमा पराजित भएका सिनेटर फ्लेभियो बोल्सोनारो राहदानी रद्द भएपछि अमेरिका पुगेका छन्। हालै सम्पन्न प्रतिस्पर्धात्मक राष्ट्रपतीय निर्वाचनमा फ्लेभियो वर्तमान राष्ट्रपति लुइज इनासियो लुला डा सिल्भासँग पराजित भएका थिए। निर्वाचन परिणाम स्वीकार नगरेका उनलाई ब्राजिलको सर्वोच्च अदालतले २४ घण्टाभित्र आफ्नो राहदानी बुझाउन र देश छाड्न नपाउने गरी आदेश दिएको थियो।
अदालतले दिएको समयावधिभित्र राहदानी नबुझाएपछि ब्राजिलका अधिकारीहरूले उनका सम्पूर्ण राहदानीहरू रद्द गरिदिएका थिए। यद्यपि, राहदानी रद्द भएकै अवस्थामा उनी मियामी (फ्लोरिडा) पुगेका हुन्।
फ्लेभियोमाथि ब्राजिलमा सम्पत्ति शुद्धीकरण र भ्रष्टाचारसम्बन्धी मुद्दामा अनुसन्धान भइरहेको छ। उनले भने यी सम्पूर्ण आरोपहरू राजनीतिक प्रतिशोधबाट प्रेरित रहेको दाबी गर्दै आएका छन्।
